Azərbaycan Dövlət Akademik Musiqili Teatrında iyulun 8-də "Bir nəfəs qədər" tamaşasını nümayiş etdirəcək. Bu haqda 5 iyul tarixində AZƏRTAC xəbər verib.
Tamaşa Xalq artisti Fikrət Əmirovun musiqisi əsasında hazırlanıb və şəhidlərə, qazilərə, əsgər övladlarına və əsas da analara həsr olunur.
Səhnə əsərinin:
- ideya müəllifi və bədii rəhbəri Əliqismət Lalayev;
- quruluşçu rejissoru Samir Qulamov;
- quruluşçu dirijoru və musiqi tərtibatçısı Fəxrəddin Atayev;
- quruluşçu rəssamı Vüsal Rəhim;
- quruluşçu baletmeysteri Əməkdar artist Leyla Ağayeva;
- konsertmeysteri Kamil Həsənov;
- rejissor assistentləri Sevinc Məmmədova və Əmrah Dadaşovdur.
Səhnə əsərində oğlunun şəhid olduğuna inanmayan, daim onun yolunu həsrətlə və böyük ümidlərlə gözləyən ananın obrazı canlandırılır. Ana inanır ki, oğlu nə vaxtsa mütləq qayıdacaq. Qaranlıq, uzun gecələrin birində ana sanki arzusuna çatır. Əslində isə xəyal və gerçəklik arasında övladının yoxluğu ilə barışmaq məcburiyyətində qalır.
