Azərbaycan Dövlət Akaemik Musiqili Teatrında "Anamın kitabı" tamaşasının premyera tarixi açıqlanıb. Bu haqda 10 oktyabr tarixində Bakuplus.az məlumat verir.
Cəlil Məmmədquluzadənin "Anamın kitabı" əsəri əsasında hazırlanan tamaşanın premyerası 15, 16 oktyabr tarixlərində saat 19:00-da baş tutacaq. Səhnə əsərinin quruluşçu rejissoru İradə Gözəlova, quruluşçu rəssamı Vüsal Rəhim, videomühəndisi Murad Həsənovdur. Döyüş səhnələrinin və rəqslərin quruluşu Xalq artisti Pərviz Məmmədrzayev və rejissor Zaur Əliyevə aiddir. Teatrın tarixində ilk dəfə olaraq tamaşa ingilis dilində nümayiş olunacaq.
İngilis dilində hazırlanan tamaşanın əsas məqsədi ana dilimizin təbliğatından ibarətdir.
Biletləri şəhərin bütün mərkəzləşdirilmiş kassalarından, “ASAN Xidmət” mərkəzlərindən, eləcə də İticket.az saytından əldə etmək mümkündür.
