Nizami Kino Mərkəzində “Artilleriyanın atası” adlı sənədli filmin təqdimatı olacaq. Bu haqda 13 iyul tarixində AZƏRTAC məlumat verib.
Nizami Kino Mərkəzində iyulun 14-ü sat 19:00-da Tovuz döyüşlərində qəhrəmanlıq göstərərək şəhid olmuş Azərbaycan Respublikası Silahlı Qüvvələrinin polkovniki, Milli Qəhrəman İlqar Mirzəyev haqqında çəkilmiş “Artilleriyanın atası” sənədli filminin təqdimat mərasimi keçiriləcək. Filmin rejissoru və ssenari müəllifi Musazadə Kamalə Mehralı, operatoru Soltan Abdullayev, montajçıları Musazadə Kamalə Mehralı və Sabir Əskərzadə, prodüseri isə Nazim Hüseynovdur.
Film Tovuz döyüşlərinin ikinci ildönümünə həsr olunub. 2020-ci il 12-14 iyul tarixlərində ermənilərin növbəti təxribatı nəticəsində Tovuz döyüşlərində Polad Həşimov və İlqar Mirzəyevlə birlikdə 12 nəfər şəhid olub.
