Bakıda daha bir "Musiqili Proektor" multimedia şousu keçiriləcək. Bu haqda BakuPlus.az bu gün, 1 iyun tarixində xəbər verir.
“Art-East Media Group” şirkətinin təşkilatçılığı ilə keçiriləcək şou iyunun 25-də Nizami Kino Mərkəzində baş tutacaq.
Təqdim olunacaq multimedia şou layihəsi “Azərbaycanfilm” kinostudiyasının dəstəyi ilə reallaşacaq.
Tədbirdə “AVANQARD” kamera orkestri Azərbaycan və dünya kinematoqrafiyasının ən sevilən film və cizgi filmlərinin saundtreklərini yeni aranjimanda ilk dəfə olaraq tamaşaçılara təqdim edəcək.
Proqramda böyük sevgi və rəğbət qazanmış ekran əsərlərindən olan musiqi nümunələri parlaq rəqs ifaları, xoreoqrafik kompozisiyalar məşhur filmlərdən fraqmentlərlə müşayiət olunaraq canlandırılacaq.
