Bakıda Elya Osmanovanın təqdimatında iki günlük rəqs dərsləri keçiriləcək. Bu haqda BakuPlus.az bu gün, 16 iyul tarixində xəbər verir.
23-24 iyul, saat 17:00-da keçiriləcək rəqs dərsləri Salaam Cinema Baku-da baş tutacaq.
Elya Osmanova Nyu-Yorkda yaşayan rəqqas və hərəkət direktorudur. O, bakalavr təhsilini film üzrə Kingston Universitetində almış, tədrisin bir hissəsini isə İstanbul Bilgi Universitetində keçmişdir.
Onun rəqs üslublarına latın rəqsi ilə yanaşı müasir, “House”, “Afro-Kuba”, “Fiziki rəqs teatrı” da daxildir.
İki saat davam edəcək dərslər corab və ya yalın ayaqla keçirilə bilər.
Dərslərə qoşulmaq üçün qeydiyyat mütləqdir.
Son müraciət tarixi 22 iyuldur.
