Bakının “Salaam Cinema” məkanında 22 iyul tarixində “Yeddi kitab” tədbiri baş tutacaq. Bu haqda bu gün, 13 iyul tarixində Bakuplus.az məlumat verir.
Yazıçılar, şairlər, oxucular, bəstəkarlar, redaktorlar, tərcüməçilər və ssenaristlər məkanda toplanaraq yeni “Yazı” cəmiyyəti yaradacaqlar.
Ədiblər cəmiyyətinin yaradılmasında məqsəd yaxın gələcəkdə kitabxana, kitab mağazası, yerli ədəbiyyatsevərlər icmasını yaratmaq, yazıçılara dəstək olmaq, yeni kitablar nəşr etdirməkdir.
Tədbir zamanı diskussiyadan əlavə, canlı musiqi, açıq mikrofon dəqiqələri də olacaq. Müəlliflər öz kitablarından 7 nüsxə gətirə və səyyar satışla məşğul ola bilərlər.
Giriş haqqı 5 manatdır. Toplanan məbləğ gələcəkdə tikiləcək kitabxananın xərclərini ödəyəcək. Görüşdə iştirak etmək üçün qeydiyyatdan keçmək lazımdır.
Bundan əlavə, iştirakçılar Azərbaycan dilində kitabları kitabxanaya hədiyyə edə bilərlər.
