Bakının ARTIM Layihə Məkanında 23 iyun tarixində qısametrajlı filmlərin nümayişi baş tutacaq. Bu haqda bu gün, 21 iyun tarixində Bakuplus.az məlumat verib.
YARAT Kino Klubu çərçivəsində beynəlxalq festivallarda qalib olan 2 filmi izləmək mümkün olacaq.
"Orizuru"
Rejissor: Nihad J. və Elgün Quliyev
Təsvir rejissoru: Səddam Mehdiyev
Müddət: 32 dəq.
Dil: Azərbaycan, ingilis altyazıları ilə
Yapon incəsənəti ilə maraqlanan sinif nümayəndəsi, dərslərə laqeyd yanaşan sinif yoldaşının məzun olmasına kömək etmək məqsədilə məktəb jurnalındakı qaiblərə düzəliş verir.
"İki yol"
Rejissor: Səddam Mehdiyev və Murad Hüseynov
Təsvir rejissoru: Ziko Hikmətov
Müddət: 18 dəq.
Dil: Özbək, ingilis altyazıları ilə
XVI əsr, Böyük ipək yolu. Film tacir ata ilə oğlunun gərgin münasibətlərindən bəhs edir.
Kino nümayişi ARTIM layihə məkanında 23 iyun, saat 20:30-da baş tutacaq.
Yaş məhdudiyyəti yoxdur, yerlər məhduddur. Tədbirdə iştirak etmək üçün qeydiyyatdan keçmək lazımdır.
