Dövlət Yanğın Nəzarəti Xidməti tərəfindən Bakı şəhəri, Nəsimi rayonu, Hüseynbala Əliyev küçəsi, 4 ünvanında yerləşən “Avangard” ayaqqabı mağazasında keçirilmiş yoxlama zamanı obyektin fəaliyyəti dayandırılıb. Bu haqda məlumatı Bakuplus bu gün, 11 yanvar tarixində Fövqəladə Hallar Nazirliyinə istinadən verir.
Yoxlama zamanı obyektin istismarının Dövlət Yanğın Nəzarəti Xidməti ilə razılaşdırılmadığı, obyektdə avtomatik yanğın xəbərverici siqnalizasiya qurğularının quraşdırılmadığı, anbar otağındakı taxta konstruksiyalar odadavamlı məhlulla hopdurulmadığı, obyektin elektrik təchizatı və elektrik qurğuları “Elektrik Qurğularının Quraşdırılması Qaydaları”nın tələblərinə uyğun quraşdırılmadığı, o cümlədən elektrik kabel və naqillərinin izolyasiyasının gərginliyə qarşı müqavimətinin ölçülməsi barədə sənədin olmadığı, obyektin odsöndürən balonlarla təmin olunmadığı, mağazanın anbar otaqlarının yanğın təhlükəsizliyinin tələblərinə uyğun saxlanılmadığı aşkarlanıb.
Qeyd olunan səbəblərdən ayaqqabı mağazasının fəaliyyətinin dayandırılması barədə qərar qəbul olunub.
[URIS id=86544]
