Bakıda Yeni Günəşli, Qaraçuxur və Suraxanı qəsəbələrini Babək prospekti ilə əlaqələndirən yolun bağlanması sakinlərin narazılığına səbəb olub.
Bakuplus.az xəbər verir ki, bununla bağlı şikayət sosial şəbəkələrdə yayılıb. İddia olunur ki, yol dünən saat 22:00 radələrində asfaltlama işlərinin aparılması məqsədilə bağlanıb. Lakin səhər saatlarına qədər ərazidə hər hansı asfaltlama işi görülməyib.
Şikayətçi qeyd edib ki, yolun qaşınması işləri təxminən 10 gün əvvəl, yol açıq olduğu vaxt aparılıb. Ərazidə çalışan şəxslərin sözlərinə görə isə dünən axşam onlara yolda asfaltlama işlərinin aparılacağı bildirilib.
Yolun bağlanması nəticəsində ətraf ərazilərdə ciddi tıxacların yarandığı və sakinlərin saatlarla yolda qaldığı iddia edilir.
