Paytaxtın Xətai rayonu, K.Kərimov küçəsi, 30H ünvanında yerləşən “Sel” MMC-yə məxsus bitki yağlarının emalı müəssisəsində nöqsanlar aşkarlanıb. Bu haqda bu gün, 21 aprel tarixində Bakuplus.az Qida Təhlükəsizliyi Agentliyinə istinadən xəbər verir.
Aparılan yoxlama zamanı məlum olub ki, müəssisə qida təhlükəsizliyi qeydiyyatından keçmədən fəaliyyət göstərir.
Bundan əlavə, çaytikanı yağının emalı zamanı günəbaxan yağından istifadə edilsə də, bu barədə məhsulların qablaşdırılmasında heç bir məlumat verilməyib. Çaytikanı yağının emalı zamanı heç bir çaytikanı meyvəsindən və çəyirdəyindən istifadə edilmədiyi və əvəzinə günəbaxan yağına əlavə edilən inqrediyentlə tənzimləndiyi aşkarlanıb.
Əlavə olaraq məhsulun üzərində istifadə qaydalarının səhv qeyd edilməsi və yararlılıq müddəti 12 ay olmağına baxmayaraq, “3 il” yazılması məlum olub.
Aşkar olunan faktlarla bağlı müəssisənin fəaliyyəti dayandırılıb, sahibkar məsuliyyətə cəlb olunub.
