Bakıda 13 yaşında təcəvüzə məruz qalan qızın anası hadisədən xəbərsiz olub. Bu haqda 9 sentyabr tarixində 1news.az məlumat verib.
“Hadisə Bakının Sabunçu rayonunda baş verib. Mənə zəng vurub dedilər ki, 13 yaşlı qız uşağı var, mənimlə danışmaq istəyir. Mən şoka düşdüm... Onunla danışmağa başladıq və o, cinsi istismara məruz qaldığını dedi. Qızın dediyinə görə, bu barədə anasına deməyə qorxurmuş. Anası bütün gün işdə idi, yalnız axşam evə gəlirdi və qızının hamilə olduğundan şübhələnmirdi. Nəticədə ana qızının hamiləliyini ancaq sancılar başlayanda bilib”, - uşaq hüquq müdafiəçisi Kəmalə Ağazadə bildirib.
Həmçinin Ağazadə əlavə edib ki, 13 yaşlı qızın və yeni doğulmuş uşağın vəziyyəti normaldır, amma onun psixoloji durumu yaxşı deyil:
“İndi qız məndən onu sığınacağıma aparmağımı xahiş edir. O, birtəhər özünü qorumaq üçün evdən çıxmaq istəyir, çünki bilir ki, anasının yanına qayıtsa, başına pis bir şey gələ bilər. Anası ilə da danışdım, o, dəhşətli vəziyyətdədir. Amma qızı uşaq evinə aparmağa tələsmək istəmirəm. Hazırda faktla bağlı araşdırma aparılır, qız və anası dindirilirlər. İndi hər kəs əsəbdədir, hər kəsin sakitləşməsi üçün bir müddət keçməlidir və bundan sonra nə edəcəyinə qərar vermək mümkün olacaq”.
