18 Oktyabr - Müstəqilliyin Bərpası Günü münasibətilə Müdafiə Nazirliyinin “N” saylı hərbi hissəsində əsgər və zabit heyəti ilə görüş keçirilib. Bu haqda 17 oktyabr tarixində Bakuplus.az məlumat verib.
Tədbirdə hərbi hissənin təlim-tərbiyə işləri üzrə komandir müavini mayor Mirdaməd Nağıyev, Qaradağ rayon Gənclər və İdman İdarəsinin rəisi Elçin Abbasov, Baş İdarənin gənclərlə iş sektorunun müdiri Zamin Əhmədov iştirak ediblər. Tədbir zamanı əsgər və zabitlər arasında “Breyn-rinq” intellektual oyunu keçirilib. Qalib komandalar Baş İdarə tərəfindən medal, Fəxri fərman və xatirə hədiyyələri ilə mükafatlandırılıblar.
Sonda incəsənət nümayəndələri konsert proqramı ilə çıxış ediblər. Vətənpərvərlik mahnılarının sədaları altında əsgərlər rəqs ediblər.
[caption id="attachment_75142" align="alignnone" width="640"]
Foto Bakı şəhər Gənclər və İdman Baş İdarəsinin rəsmi Facebook səhifəsi[/caption]
