Bu gün Azərbaycan Dövlət Suverenliyi Günüdür.
Bakuplus.az xəbər verir ki, Prezident İlham Əliyevin 19 sentyabr 2024-cü ildə imzaladığı Sərəncama əsasən, hər il 20 sentyabr tarixi Azərbaycanda Dövlət Suverenliyi Günü kimi qeyd edilir.
Ermənistan Respublikası 1990-cı illərin əvvəllərindən hərbi gücdən istifadə edərək ölkəmizin beynəlxalq səviyyədə tanınmış ərazisinin 20 faizini işğal edib.
2020-ci il sentyabrın 27-də başlamış 44 günlük Vətən müharibəsində Zəfər qazanılıb. 2023-cü il sentyabrın 19-da isə Azərbaycanın Qarabağ iqtisadi rayonunda antiterror əməliyyatına başlanıb. Cəmi 23 saat davam edən və sentyabrın 20-də başa çatan əməliyyat nəticəsində rəşadətli Azərbaycan Ordusu qarşısına qoyulmuş bütün vəzifələri yüksək peşəkarlıqla yerinə yetirib.
Beləliklə, növbəti parlaq Qələbə nəticəsində Azərbaycanın suverenliyi tam bərpa edilib.
