Paytaxtın Nəsimi rayonu, Alı Mustafayev küçəsində sürücüləri böyük təhlükə gözləyir. Avtomobillər quyuya düşə bilər. Bu haqda bu gün, 4 fevral tarixində Bakuplus.az ATV-yə istinadən məlumat verir.
Şahidlərin sözlərinə görə, artıq quyuya düşənlər olub və nəticədə nəqliyyat vasitələrinə ciddi ziyan dəyib. Sürücülər deyirlər ki, bir ilə yaxındır bu təhlükə var.
Sürücülərin bəziləri bu hala öyrəşsələr də, problemdən xəbərsiz olan sürücülərin bu yoldan zərərsiz keçməyi mümkünsüzdür.
Magistral yolda sürücülərin kabusuna çevrilən bu quyu ilə bağlı “Azəravtoyol”dan açıqlama verilib. Qurumun rəsmisi Anar Nəcəfli bildirib ki, həmin quyunun barmaqlığı naməlum şəxslər tərəfindən götürülüb. Aidiyyəti şöbəyə məlumat verilib, qısa müddət ərzində həmin ərazidə yeni barmaqlıq quraşdırılacaq.
