“Bütün mehmanxanalar rus ordusu ilə dolmuşdu. Alt mərtəbənin bütün pərdələri ani olaraq qırıldı. İçəridən təqribən minə yaxın əsgər formada çölə çıxdı. Nə baş verdiyini başa düşmürdük. Biz onlarla sinə-sinəyə gəldik. Qadın, ya kişi - fərq etmədən qol-qola girmişdik ki, onlara keçməyə icazə verməyək”.
Bunu BakuTV-yə açıqlamasında 35 il əvvəl yaşanan 20 yanvar faciəsində yaralanan, düşmən gülləsini hələ də ayağında gəzdirən Salman Əhədli deyib.
O bildirib ki, əsgərlərin xalqa belə divan tutacağını gözləmirmişlər: “Daha sonra silaha əl atdılar. Sağ tərəfimdəki adamın alnına güllə dəyəndən sonra hər şey aydın oldu. Şok keçirdik ki, sovet qoşunu öz xalqını belə gülləbaran edərmi?! Bir az keçəndən sonra yoldan atılmış patronları yığmağa başladıq. O qədər patron var idi ki, yerimək mümkün deyildi. Həmin anda elə bil ürəyimə dammışdı ki, məni güllələyəcəklər. Yolun ortasında sağ ayağımdan güllə yarası aldım. O güllə indi də mənim ayağımdadır”.
Ətraflı videomaterialda:
