Bu gün "Qarabağ" UEFA Çempionlar Liqasının qrup mərhələsində ilk oyununa çıxır. Rəqib – Portuqaliyanın nəhəngi "Benfika"dır. Oyun Bakı vaxtı ilə saat 23:00-da start götürəcək.
Bakuplus.az xəbər verir ki, Milli Məclisin deputatı Aqil Abbas matçdan öncə açıqlama verərək komandanın uğuruna inandığını bildirib: "Mən həmişə "Qarabağ"a güvənmişəm. Çempionlar Liqasında da bizə sevinc gətirəcəyinə inanıram".
Deputat həmçinin ənənəsinə sadiq qalaraq nəticədən asılı olmayaraq qurban kəsəcəyini deyib: "Həmişə "Qarabağ" qalib gələndə kəndimdə qurban kəsib imkansızlara paylamışam. Uduzanda da kəsirəm ki, Allah köməkləri olsun".
