AQTA ticarət və ictimai iaşə müəssisələrində növbəti yoxlamalar aparıb. Bu haqda bu gün, 5 oktyabr tarixində Bakuplus.az Qida Təhlükəsizliyi Agentliyinə istinadən xəbər verir.
Keçirilən reyd zamanı Bakı şəhəri ərazisində yerləşən 9 obyektdə işçilərin tibbi müayinədən keçirilmədiyi, baytarlıq şəhadətnaməsi və ya arayışı olmayan heyvan mənşəli məhsulların qəbulu və bunun kimi bir sıra digər nöqsanlar aşkarlanıb.
Obyektlərin siyahısı aşağıdakı kimidir:
- "50 Qəpik" restoranı, Binəqədi rayonu, Biləcəri qəsəbəsi, Y.Hüseynov küçəsi, ev 70, mənzil 1;
- "Army" market, Binəqədi rayonu, Biləcəri qəsəbəsi, R.İsmayılov küçəsi;
- "Rahat" supermarketi, Nizami rayonu, Nəsimi küçəsi, ev 25A;
- "Rahat" supermarketi, Nizami rayonu, Q.Qarayev prospekti, ev 39A;
- "Bizim market", Nizami rayonu, Q.Qarayev prospekti, ev 1;
- "Kristal" marketi, Səbail rayonu, Salyan şosesi, ev 16B;
- "Halikarnas Balıqçısı" restoranı, Suraxanı rayonu, Qum adası çimərliyi;
- "Tadım Lahmacun", Suraxanı rayonu, Hövsan qəsəbəsi, E.Məmmədov küçəsi, ev 4;
- "Ballı" marketi, Suraxanı rayonu, Hövsan qəsəbəsi, E.Qasımov küçəsi, ev 15E.
Adıçəkilən obyektlər nəzarətə götürülüb, sahibləri məsuliyyətə cəlb olunublar. Qurum tərəfindən yoxlamaların davam etdiriləcəyi bildirilir.
