15 dekabr saat 11:00-da paytaxtın Nizami rayonunda vətəndaşlara ağac tingləri paylanacaq. Bu haqda Ekologiya və Təbii Sərvətlər Nazirliyi məlumat verib.
Aksiya Heydər Əliyev prospektində yerləşən 5 saylı Bakı “ASAN xidmət” mərkəzinin qarşısında baş tutacaq. Sakinlərə Abşeron yarımadasının iqliminə xarakterik olan tinglər hədiyyə ediləcək. Tədbir Ekologiya və Təbii Sərvətlər Nazirliyi və ASAN Könüllülük Məktəbinin “Yaşıl ASAN” proqramının birgə təşkilatçılığı ilə keçiriləcək.
Bundan əvvəl, aksiya 14 dekabr tarixində Paytaxtın Sabunçu rayonu, Bakixanov qəsəbəsində təşkil olunmuşdur.
