Bakı-Astara yolunun Ələt qəsəbəsi ərazisindən keçən hissəsində baş vermiş yol qəzasında həlak olan kişinin kimliyi məlum olub. Bu haqda bu gün, 8 noyabr tarixində Bakuplus.az Report-a istinadən məlumat verir.
Ötən gün “Mercedes” markalı minik avtomobilini idarə edən Salyan sakini sükana nəzərəti itirib. Nəticədə avtomobil aşaraq alışıb. Hadisə zamanı içəridə olan sərnişinlər çıxa bilsə də, sürücü yanaraq ölüb.
Verilən məlumata görə, yanan sürücü Qalalı kəndindən olan 74 yaşlı Fəxrəddin İmanovdur. F.İmanov postsovet dönəmində sərbəst güləş üzrə yarışların iştirakçısı olub. O, son illər sərbəst güləş üzrə məşqçi-müəllim işləyirdi. Gənclər və İdman Nazirliyi tərəfindən ona “Fəxri bədən tərbiyəsi və idman işçisi” adı verilib.
[caption id="attachment_78151" align="alignnone" width="640"]
Foto Report.az saytı[/caption]
