Bakıdan Lənkəran və Astaraya yola düşən və əks-istiqamətdə hərəkət edən sərnişindaşıma marşrutları müsabiqəyə çıxarılıb. Bu haqda 30 sentyabr tarixində Report.az xəbər verib.
Şəhərlərarası sərnişindaşıma bazarında rəqabətli mühitin yaradılması məqsədilə bu tip müsabiqə baş tutacaq.
İştirak etmək istəyənlər tələb olunan sənədləri 27 oktyabr 2022-ci il saat 17:00-dək, müsabiqə təklifləri toplusunu isə 10 noyabr 2022-ci il saat 17:00-dək Dövlət Avtomobil Nəqliyyatı Xidmətinə təqdim etməlidirlər.
