Bakıda 10 illik yüksək temperatur rekordu yenilənib. Bu haqda bu gün, 26 sentyabr tarixində Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədovaya istinadən Report məlumat verib.
Məmmədovanın sözlərinə görə, bu il sentyabrın son ongünlüyü ərzində ən yüksək temperatur ayın 23-də qeydə alınıb. Bakıda və Abşeron yarımadasında temperatur göstəricisi 37 dərəcəyədək yüksəlib ki, bu da iqlim normasından 6 dərəcə yüksəkdir.
Hava məlumatlarına əsasən, sentyabrın sonunda belə yüksək temperatur o vaxtdan indiyədək qeydə alınmayıb. Eyni zamanda, 2012-ci ilin gündəlik rekord göstəricisi (29,6 dərəcə) yenilənib.
