Paytaxt ərazisindəki 2 küçədə hərəkət məhdudlaşdırılır. Bu haqda bu gün, 8 oktyabr tarixində Bakuplus.az Bakı Nəqliyyat Agentliyinə istinadən xəbər verir.
Nəsimi rayonu, Rövşən Cəfərov küçəsində aparılacaq təmir işləri ilə əlaqədar 13 marşrut xəttinin hərəkət sxemi dəyişəcək. Onların nömrələri: 7A, 7B, 9, 61, 67, 79, 83, 92, 119, 165, 199, 205 və 211.
Həmçinin Nərimanov rayonu, Əhməd Rəcəbli küçəsinin C.Xəndan küçəsi ilə kəsişməsindən “AMOR” şadlıq sarayınadək olan hissəsində yenidənqurma işləri aparılacaq. Buna görə də 2 və 33 nömrəli avtobuslar C.Xəndan, Ş.Məmmədova, S.S.Axundov küçələrindən keçəcəklər.
