Azərbaycan Respublikasının Prezidenti İlham Əliyev və birinci xanım Mehriban Əliyeva Türkan qəsəbəsində yerləşən “Grand-Agro İnvitro” şirkətinin fəaliyyəti ilə tanış olublar və “Azbadam” MMC-nin emal zavodunun açılışında iştirak ediblər. Bu haqda bu gün, 3 avqust tarixində prezidentin rəsmi internet saytında məlumat yayılıb.
Tədbirdə iqtisadiyyat naziri Mikayıl Cabbarov və “Grand-Agro Invitro” MMC-nin icraçı direktoru Taleh Zeynalov iştirak ediblər.
Bildirilib ki, 2017-ci ildən fəaliyyətə başlayan “Grand-Agro Invitro” MMC meyvə və digər bitki növlərinin becərilməsi ilə məşğuldur. Növ seçimi bazar tələbinə və müştərinin sifarişinə uyğun olaraq müəyyən edilir.
“İnvitro” layihəsinə ümumi investisiya qoyuluşu 21 milyon manatdır.
Beynəlxalq standartlara tam cavab verən müəssisənin laboratoriyası ən müasir texnologiyalarla təchiz olunub. Laboratoriyada ildə 4 milyon ədədə qədər müxtəlif cins və sort bitki yetişdirilir.
Müəssisədə 84 nəfər daimi işlə təmin olunub.
[caption id="attachment_55064" align="alignnone" width="300"]
Foto President.az saytı[/caption]
