Bakıda 10-cu Azərbaycan Beynəlxalq Sığorta Forumu (“Azerbaijan International Insurance Forum” – AIIF-2024) işə başlayıb. Bu haqda bu gün, 20 iyun tarixində Bakuplus.az Report-a istinadən məlumat verir.
Forum iki gün davam edəcək. Tədbirin təşkilatçısı "Azərbaycan Sığorta Assosiasiyası" (ASA) ictimai birliyidir. Forum Azərbaycan Mərkəzi Bankı və İcbari Sığorta Bürosunun dəstəyi ilə keçirilir.
Tədbirdə AMB-nin sədri Taleh Kazımov, kənd təsərrüfatı naziri Məcnun Məmmədov, İcbari Tibbi Sığorta üzrə Dövlət Agentliyinin sədri Zaur Əliyev və digər dövlət rəsmiləri iştirak edirlər.
Forumun məqsədi yerli və qlobal sığortaçılar arasında əlaqələri gücləndirməkdir.
Bakıda belə bir tədbir sonuncu dəfə 2019-cu ildə, COVID-19 koronavirus pandemiyasından əvvəl keçirilib.
