Paytaxt ərazisində yerləşən növbəti ticarət və ictimai iaşə obyektlərində reyd keçirilib. Bu haqda bu gün, 19 oktyabr tarixində Bakuplus.az Qida Təhlükəsizliyi Agentliyinə istinadən xəbər verir.
Keçirilən yoxlamalar zamanı Bakıda 5 ticarət və 7 ictimai iaşə obyektində nöqsanlar aşkarlanıb. Onların adları aşağıdakı kimidir:
Ticarət obyektləri:
- "Rahat" supermarketi, Xəzər rayonu, Buzovna qəsəbəsi, H.Eyvazov küçəsi, ev 1A;
- "Bolmart" marketi, Suraxanı rayonu, Yeni Günəşli qəsəbəsi;
- "Təndir Kənd Məhsulları" mağazası, Nərimanov rayonu, İ.Dadaşov küçəsi;
- "Ordubad Quru Meyvələri", Nərimanov rayonu, İ.Dadaşov küçəsi, ev 52;
- "Port Bazar" marketi, Səbail rayonu, Ü.Hacıbəyov küçəsi, ev 151.
İctimai iaşə obyektləri:
- "Balıq Evi" kafesi, Suraxanı rayonu, Yeni Suraxanı qəsəbəsi;
- "Simple-A" restoranı, Suraxanı rayonu, Yeni Günəşli qəsəbəsi, D Massivi;
- "Gourmet" restoranı, Nərimanov rayonu, İ.Dadaşov küçəsi;
- "Scalini" restoranı, Nəsimi rayonu, C.Məmmədquluzadə küçəsi, ev 118;
- "Movida" kafesi, Nəsimi rayonu, Neftçilər prospekti, ev 1;
- "Xəyal" restoranı, Nəsimi rayonu, Neftçilər prospekti, ev 153.
Adıçəkilən obyektlərdə işçilərin tibbi müayinədən keçirilməməsi və baytarlıq sənədi olmadan ət məhsullarının satışı faktları aşkarlanıb. Onların sahibləri məsuliyyətə cəlb olunublar.
