Paytaxt ərazisində yerləşən ticarət obyektlərində reyd keçirilib. Bu haqda bu gün, 21 oktyabr tarixində Bakuplus.az Qida Təhlükəsizliyi Agentliyinə istinadən xəbər verir.
Keçirilən yoxlamalar zamanı 4 obyektdə nöqsanlar aşkarlanıb. Onların adları və yerləşdikləri ərazilər aşağıdakı kimidir:
Ticarət obyektləri:
- "Favorit" market - Xəzər rayonu, Buzovna qəsəbəsi, R.İmanov küç., ev 22A;
- "Dəli Dağ" ət dükanı - Binəqədi rayonu, Xarici dairəvi yol, 7-ci mkr;
- "Tayqa Store" market - Binəqədi rayonu, A.Kunanbayev küç., ev 312;
- "Rahat" market - Xətai rayonu, M.Hadi 82, ev 5.
Adıçəkilən müəssisələrdə işçilərin tibbi müayinədən keçmədiyi və baytarlıq sənədi olmadan ət satışı həyata keçirildiyi məlum olub. Obyektlərin sahibləri məsuliyyətə cəlb olunublar.
