AQTA paytaxt ərazisindəki ticarət və ictimai iaşə obyektlərinin monitorinqini davam etdirir. Bu haqda 7 oktyabr tarixində Bakuplus.az Qida Təhlükəsizliyi Agentliyinə istinadən xəbər verir.
Keçirilən yoxlamalar zamanı 7 obyektdə işçilərin tibbi müayinədən keçməməsi aşkarlanıb. Həmin obyektlər və onların yerləşdiyi ərazilər aşağıdakılardır:
- Suraxanı rayonu - "Arena Store";
- Suraxanı rayonu - "Maga Store";
- Suraxanı rayonu - "Maşallah" market;
- Suraxanı rayonu - "Green Store" market;
- Binəqədi rayonu - "Dönərçi Sadık Usta";
- Binəqədi rayonu - "Lalə" kafesi;
- Xəzər rayonu - "Dönəritto" dönər evi.
Qeyd olunan obyekt sahibləri məsuliyyətə cəlb olunublar və onlara nöqsanların aradan qaldırılması üçün müvafiq tapşırıqlar verilib.
