Bakı şəhəri ərazisində ticarət və ictimai iaşə obyektlərində monitorinq keçirilib. Bu haqda bu gün, 2 noyabr tarixində Bakuplus.az Qida Təhlükəsizliyi Agentliyinə istinadən xəbər verir.
Keçirilən yoxlama zamanı 3 ticarət və 6 ictimai iaşə obyektində nöqsanlar aşkarlanıb. Onların adları və yerləşdikləri ərazilər aşağıdakı kimidir:
Ticarət obyektləri:
- "Rahat market" - Nizami rayonu, Nəsimi küçəsi, ev 25A;
- "Neptun supermarket" - Xətai rayonu, N.Rəfiyev küçəsi, ev 25;
- "Neptun supermarket" - Nəsimi rayonu, A.Məhərrəmov küçəsi, ev 20C;
İctimai iaşə obyektləri:
- "Qədim Qəbələ" restoranı - Xətai rayonu, Ə.Cəlilov küçəsi, ev 26;
- "Gilavar" restoranı - Nərimanov rayonu, Həsənoğlu küçəsi, ev 809;
- "Kəndimiz" restoranı - Nərimanov rayonu, Y.Bakuvi küçəsi, ev 3;
- "Pakdad" kafesi - Yasamal rayonu, Şərifzadə küçəsi, ev 162;
- "Shaurma №1" kafesi - Yasamal rayonu, Şərifzadə küçəsi, ev 15B;
- "Kolorit" kafesi - Yasamal rayonu, Şərifzadə küçəsi, ev 174.
Adıçəkilən obyektlərdə işçilər tibbi müayinədən keçməyib, eləcə də baytarlıq sənədi olmadan ət satışı aparılıb. Faktla bağlı obyektlərin rəhbərləri məsuliyyətə cəlb olunublar.
