Ötən gün Bakıda gecə saatlarında edilən atəşfəşanlıq insanlarda qorxu və narahatlıq yaradıb. Bu haqda BakuPlus.az bu gün, 22 oktyabr tarixində xəbər verir.
Paytaxtın “Həzi Aslanov” metro stansiyası yaxınlığındakı məhəllələrin birində qonşulardan biri toydan sonra “toy gecəsi”nə görə fişəng atmağa başlayıb. Bu, gecə saatlarında baş verdiyindən insanlarda qorxu və narahatlıq yaranıb.
PR və marketinq kommunikasiyaları eksperti Vüqar Baba sosial şəbəkədə bu barədə paylaşım edib:
"Sən demə, gəlin bakirə çıxdığı üçün onu qeyd edirlərmiş. Qonşular "Bu nə biabırçılıqdır?!" "Utanmazlar!", "Əxlaqsızlar!" kimi ifadələr işlədiblər, bir qədər mübahisə edərək dağılışıblar".
Ekspertin bu paylaşımı sosial şəbəkə istifadəçilərinin müzakirələrinə səbəb olub. Onlar Vüqar Babanın fikirlərinə dəstək çıxaraq yaranmış vəziyyətdən gileyləniblər.
