Bu gün, 27 sentyabr tarixində Vətən müharibəsində Azərbaycan ərazisində qəhrəmancasına döyüşmüş, Azərbaycanın ərazi bütövlüyü uğrunda şəhid olanların xatirəsi bir dəqiqəlik sükutla yad ediləcək. Bu haqda Bakuplus.az məlumat verir.
Bakı vaxtı ilə saat 12:00-da ölkə ərazisində nəqliyyat vasitələrinin və piyadaların hərəkəti dayandırılacaq.
Həmçinin Azərbaycanın xaricdəki diplomatik nümayəndəliklərində, Bakıda, digər şəhər və rayonlarda, qəsəbə və kəndlərdə dövlət bayraqları yarıya qədər dalğalanacaq.
Prezident İlham Əliyevin 2 dekabr 2020-ci il tarixli Sərəncamına əsasən, Vətən müharibəsində qəhrəmancasına döyüşmüş, ölkəmizin ərazi bütövlüyü uğrunda şəhid olmuş əsgər və zabitlərimizə dərin ehtiram əlaməti olaraq, hər il sentyabrın 27-si Azərbaycanda Anım Günü kimi qeyd olunur.
