Paytaxtın Xətai rayonu, Sevgi Parkı adlanan ərazidə piyada keçidi qıtlığı yaşanır. Bu haqda bu gün, 11 iyul tarixində Bakuplus.az “ARB24”-də istinadən xəbər verir.
Parkın Yusif Səfərov küçəsinin kənarındakı hissəsinə düşmək üçün 4 hərəkət zolaqlı yolu keçmək lazımdır. Ən yaxın piyada keçidi isə buradan 10 dəqiqəlik məsafədə yerləşir. Bu vəziyyət bəzi sakinlər üçün çətinlik yaradır, bəziləri isə həyatlarını təhlükəyə ataraq yola çıxırlar.
Bakı Nəqliyyat Agentliyi (BNA) və Azərbaycan Avtomobil Yolları Dövlət Agentliyi (AAYDA) məsələdən xəbərdar olduqlarını və ərazidə iki piyada keçidinin yaradılacağını bildiriblər.
