Bakının Nərimanov rayonu, Atatürk prospektində, 62 saylı evin yaxınlığında (Ayna Sultanova abidəsinin yanı) “Avtomir” mağazasının sahibləri dayanacaq cibində 5 pulsuz dayanacaq yerini özəlləşdiriblər. Bu haqda bu gün, 29 iyun tarixində Caliber.az məlumat verib.
“Evimizin qarşısında mağaza özünü beş parkinq yeri ilə qorumağa qərar verib. Əvvəlcə bu yerlərə boş iri plastik butulkalar, təkərlər qoyurdular, indi zəncir asıb dirəklər quraşdırmaq qərarına gəliblər”, - deyə sakinlər bildirdilər.
Bakı Nəqliyyat Agentliyinin (BNA) mətbuat xidmətinin rəhbəri Mais Ağayevin verdiyi məlumata görə, BNA-nın əməkdaşları araşdırma aparmaq üçün həmin yerə göndəriləcək.
[caption id="attachment_50376" align="alignnone" width="800"] Foto Caliber.az saytı[/caption]
