Qida Təhlükəsizliyi Agentliyi paytaxt ərazisindəki ticarət və ictimai iaşə müəssisələrində monitorinqlər keçirilib. Bu haqda BakuPlus.az qurumun mətbuat xidmətinə istinadən bu gün, 4 noyabr tarixində xəbər verir.
2 noyabr tarixində agentliyin əməkdaşları tərəfindən Bakıda qida sahəsində fəaliyyət göstərən 2 ticarət və 4 ictimai iaşə müəssisəsində həyata keçirilən monitorinqlər zamanı ümumilikdə 6 obyektdə nöqsanlar müəyyən olunub.
Yoxlama nəticəsində nöqsanlar aşkar edilmiş müəssisələr aşağıdakılardır:
- Nəsimi rayonunda topdan satış mağazası;
- Xətai rayonunda “SPAR” market, "Sarı Qaya" restoranı, "Salam Aləykum" restoranı;
- Nərimanov rayonunda “İsa bulağı” restoranı;
- Nəsimi rayonunda “Diesel” pub.
Bu müəssisələrdə obliqat qrupuna daxil olan işçilərin ilkin və dövri tibbi müayinədən keçirilməməsi ilə bağlı 10, baytarlıq şəhadətnaməsi və ya arayışı olmayan heyvan mənşəli məhsulların qəbulu ilə bağlı 8 nöqsan aşkar olunub. Aşkar edilmiş nöqsanlarla bağlı qanunvericiliyin tələblərinə uyğun müvafiq tədbirlər görülüb.
