Bakı şəhəri, Nəsimi rayonu, F.Qasımzadə, 4 ünvanında çörək istehsalı müəssisəsi cəzalandırılıb. Bu haqda bu gün, 20 noyabr tarixində Bakuplus.az Qida Təhlükəsizliyi Agentliyinə (AQTA) istinadən məlumat verir.
Fiziki şəxs Güllü Ələsgərovaya məxsus olan sexdə qida təhlükəsizliyi sahəsində normativ hüquqi aktların, sanitariya norma və qaydalarının tələblərinin pozulduğu müəyyən edilib.
Müəssisənin qeydiyyatdan keçmədən fəaliyyət göstərdiyi məlum olub. Həmçinin müəssisədə divar və tavan səthlərinin tamlığının pozulduğu, müvafiq təmizlik işlərinin aparılmadığı, anbar sahəsində havalandırma sisteminin quraşdırılmadığı və digər nöqsanlar aşkarlanıb.
Faktla bağlı protokol tərtib edilib, nöqsanlar aradan qaldırılanadək müəssisədə istehsal dayandırılıb.
