8 Noyabr - Zəfər Gününün ikinci ildönümü ərəfəsində səhiyyə naziri Teymur Musayev və Səhiyyə Nazirliyinin kollegiya üzvləri İkinci Fəxri xiyabanda Vətən müharibəsində şəhid olmuş həkim və tibb işçilərinin xatirəsini ehtiramla yad ediblər. Bu haqda bu gün, 7 noyabr tarixində Bakuplus.az məlumat verib.
Azərbaycan Respublikası Səhiyyə Nazirliyinin mətbuat xidmətindən verilən məlumata görə, tədbirdə ölkəmizin müstəqilliyi və ərazi bütövlüyü uğrunda mübarizədə canlarından keçmiş şəhidlərin ruhuna dualar oxunub.
44 günlük Vətən müharibəsi zamanı 159 hərbi tibb işçisi müxtəlif dərəcəli xəsarət alıb. Ümumilikdə 44 tibb işçisi xidməti borcunu yerinə yetirərkən qəhrəmancasına həlak olub. Onlardan 11-i həkim, 7-si feldşer, 26-sı isə kiçik tibb işçisi idilər.
