“Məktəbdə...” layihəsi çərçivəsində Bakı şəhəri 247 nömrəli tam orta məktəbdə 4 noyabr tarixində Azərbaycan əsilli fransız fotoqraf Reza Deqati ilə görüş təşkil olunacaq. Bu haqda bu gün, 2 noyabr tarixində Bakuplus.az məlumat verib.
Tədbir zamanı Reza Deqati Zəfər Günü ərəfəsində şagirdlərlə vətənpərvərlik, xalqa, torpağa bağlılıq hisslərinin aşılanmasında məktəbin rolu, yeniyetmələrdə təəssübkeşlik hisslərinin formalaşdırılması və digər maraq doğuran mövzular ətrafında söhbətlər aparacaq, məktəbliləri düşündürən suallara aydınlıq gətirəcək.
Reza Deqati Milli Coğrafiya Cəmiyyətinin (National Geographic Society) üzvüdür. 44 günlük Vətən müharibəsi zamanı o, Azərbaycan reallıqlarının dünya ictimaiyyətinə çatdırılmasında səmərəli fəaliyyət göstərib.
