Bakı metrosu sentyabr ayında 18 milyondan çox sərnişin daşıyıb. Bu haqda 7 oktyabr tarixində Report məlumat verib.
Sentyabr ayında "Bakı Metropoliteni" QSC 18.336.117 sərnişin daşıyıb.
"Hər gün orta hesabla 611.204 nəfər metrodan istifadə edib. Yeni tədris ilinin başlanması, fəal istirahət dövrünün başa çatması ilə əlaqədar sentyabrın 15-dən metrodan istifadə edən sərnişinlərin sayında əvvəlcədən proqnozlaşdırılan artım müşahidə olunub. Ümumən, müqayisəli qeyd etsək, sentyabrın 15-dən sonra 12 iş günü ərzində metro orta hesabla hər gün 749.11 sərnişin daşıyıb. 12 gün ərzində daşınan sərnişinlərin sayı ayın qalan günləri daşınanların 49 %-ni təşkil edib", - "Bakı Metropoliteni" QSC-dən bildirilib.
