Bakı metrosunda yubanma baş verib, “28 May” stansiyasında qatar 16 dəqiqədən çox dayanıb. Bu haqda bu gün, 13 sentyabr tarixində Oxu.az məlumat verib.
Qurumun mətbuat xidmətinin rəhbəri Bəxtiyar Məmmədovun sözlərinə görə, “İçərişəhər” - “Həzi Aslanov” marşrut xətti ilə hərəkət edən qatarda nasazlıq yaranıb. Qatar “Gənclik” stansiyasından depoya göndərilib, xəttə əlavə qatar buraxılıb.
“Ümumilikdə interval istisna olmaqla, qatarların hərəkətində 7 dəqiqə gecikmə yaranıb. Gecikmə nəticəsində qatarlar arasında yaranan interval, əsasən, aradan qaldırılıb. “Memar Əcəmi” və “Dərnəgül” metro stansiyaları istiqamətində gecikmələr qalmaqdadır”, - qurumun rəsmisi qeyd edib.
