Bakının bəzi mərkəzi küçə və prospektlərində piyada keçidlərində istifadə olunan eskalatorların işləməməsi piyadaların narazılığına səbəb olur. Belə piyada keçidlərin Füzuli küçəsində, Milli Bank və Heydər Əliyev Sarayının yaxınlığında yerləşir. Bu ərazidə eskalatorların işləməməsi həmin keçiddən gündəlik istifadə edənlər üçün problemlər yaradır. Bu haqda bu gün, 10 sentyabr tarixində Bakuplus.az məlumat verir.
Bu vəziyyətə görə, əsasən, yaşlılar, fiziki məhdudiyyətli şəxslər, uşaq arabası ilə olan qadınlar və uşaqlar çətinlik çəkirlər.
Daha öncə, cari ilin yanvar ayında Bakuplus.az bu mövzunu qaldırmışdır. Məsələ ilə bağlı açıqlama verən Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəflinin sözlərinə görə, bu problem eskalatorlarda yaranan texniki nasazlıqlarla bağlıdır. Bəzən eskalatorların müxtəlif hissələri sıradan çıxır. Azərbaycanda eskalator və ehtiyat hissələri istehsal olunmadığına görə, onlar xaricdən sifariş verilir və bu, müəyyən vaxt alır. Bu səbəbdən həmin eskalatorlar işləməyə bilər.
Ən azı 8 aydır ki, əvəz edilməyə vaxt tapılmayan ehtiyat hissələri hər gün Bakı sakinlərinin sağlamlığı və həyatı üçün təhlükə saçır.
[video width="1920" height="1080" mp4="https://bakuplus.az/storage/photos/2022/09/aa.mp4"][/video]
