Şimal Elektrik Stansiyasının açılışı baş tutub. Bu haqda bu gün, 26 iyul tarixində Bakuplus.az Prezidentin rəsmi saytına istinadən xəbər verir.
Xəzər rayonu, Şüvəlan qəsəbəsində yerləşən stansiyada yeni estakadanın, su nasos stansiyalarının və “Şimal” Kiçik Su Elektrik Stansiyasının açılışı olub. Mərasimdə Prezident İlham Əliyev də iştirak edib.
Bakının 40%-dən artıq ərazisini elektrik enerjisi ilə təchiz edən elektrik stansiyası dəniz səviyyəsinin aşağı düşməsi səbəbindən fəaliyyətində ciddi cətinliklər yaranmışdı.
Aparılan yenidənqurma işləri çərçivəsində Xəzər dənizinin içərisinə doğru soyuq suyun 8 m dərinlikdən götürülməsinə imkan verən 540 m uzunluğunda estakada və 2 yerdə su nasos stansiyası tikilib.
Bundan əlavə, dənizə axıdılan soyutma suyunun üzərində 300 kVt-lıq kiçik su elektrik stansiyası tikilib. Kiçik su elektrik stansiyasının tikintisi yerli mütəxəssislər tərəfindən aparılıb. Bu stansiya vasitəsilə il ərzində 2,5 milyon kilovat/saata yaxın elektrik enerjisi istehsal ediləcək.
[caption id="attachment_107597" align="alignnone" width="640"]
Foto President.az[/caption]
