Bakı-Sumqayıt-Bakı qatarlarının hərəkət cədvəlində dəyişikliklər edilib. Bu haqda 8 sentyabr tarixində Bakuplus.az Dəmir Yollarına istinadən xəbər verir.
Sentyabrın 9-dan 14-dək Bakı-Pirşağı-Sumqayıt-Bakı, Bakı-Xırdalan-Sumqayıt-Bakı şəhərətrafı sürət elektrik qatarlarının reyslərində müvəqqəti dəyişikliklər olacaq. Bakı istiqamətində hərəkət edən Sumqayıt-Bakı qatarlarına minmə-düşmə müvəqqəti olaraq Biləcəri stansiyasının meydan tərəfdəki deyil, əks tərəfdəki platformasında aparılacaq.
Həmçinin sentyabrın 10-dan 14-dək müvəqqəti olaraq Bakıdan Gəncəyə yola düşən qatar qüvvədə olan hərəkət qrafikində göstərilmiş vaxtdan 15 dəqiqə gecikmə ilə, yəni saat 11:40 əvəzinə saat 11:55-də mənzil başına çatacaq.
Yeni cədvəli təqdim edirik. Dəyişiklik edilən reyslər cədvəldə sarı rənglə işarələnmişdir.
[URIS id=68993]
