Bakıda sürət yarışı keçirən gənc cərimələnib.
Lent.аz xəbər verir ki, hadisə Səbail rayonu, Salyan şossesində qeydə alınıb.
18 yaşlı Vahid Muradov (ad və soyad şərtidir) idarə etdiyi "Kia Sorento" markalı avtomobillə qeyd olunan ərazidə sürət yarışı keçirib. O, yol patrul xidmətinin əməkdaşları tərəfindən saxlanılıb və barəsində İnzibati Xətalar Məcəlləsinin 511.1-ci (avtoxuliqanlıq) maddəsilə protokol tərtib olunub.
Vahid Muradov ifadəsində əməlindən peşman olduğunu deyib.
Səbail rayon Məhkəməsinin qərarı ilə Vahid Muradovun sürücülük hüququ 1 il müddətinə məhdudlaşdırılıb və o, 500 manat cərimə edilib.
