“BakuBus”a keçən marşrut xəttinin hərəkət sxemi dəyişib. Bu haqda bu gün, 28 fevral tarixində Bakuplus.az Xəzər Xəbərə istinadən məlumat verir.
10.000-dən çox insanı daşıyan 57 nömrəli marşrut xətti bir neçə gün öncə “BakuBus”ın istifadəsinə verilib və köhnə avtobuslar müasir nəqliyyat vasitələri ilə əvəzlənib. Ancaq yeni avtobuslar köhnə marşrut xətti ilə hərəkət etmir.
Əvvəllər 8 Noyabr prospekti ilə hərəkət edən avtobuslar Süleyman Əhmədov küçəsi ilə kəsişməyə qədər gedib sonra qayıdırdı. İndi Həzi Aslanov adlanan yaşayış sahəsindən çıxdıqdan sonra geri dönürlər.
“Əvvəllər avtobusa minərək gedib bazarlıq edib yenə həmin avtobusla qayıdırdıq. İndi isə taksi sifariş etməyə məcburuq”, - deyə sakinlər şikayət edirlər.
Bakı Nəqliyyat Agentliyi məsələ ilə bağlı bildirdi ki, sakinlərin müraciətinə baxılacaq. Zərurət yaranarsa, bu istiqamətdə müvafiq addımlar atılacaq.
