Biləcəri stansiyasında dəmiryolu üzərindən keçid kimi istifadə edilən körpü bərbad vəziyyətdədir.
Bu barədə Bakuplus.az -a sakinlər məlumat verib.
Onların sözlərinə görə, gün ərzində yüzlərlə insan bu yoldan istifadə edir. Ancaq pilləkənlərin dar və narahat olması, xüsusilə də əllərində yük və ya uşaq arabası olanlar üçün ciddi çətinlik yaradır.
Şikayətçilər bildirir ki, pilləkənlərlə qalxmaq və enmək olduqca əziyyətlidir:
"Hər gün bu yoldan istifadə etmək məcburiyyətindəyik və məsələ illərdir həllini tapmır".
Sakinlər aidiyyəti qurumlardan keçidin daha rahat və əlçatan vəziyyətə gətirilməsini tələb edir.
