Bakıda dələduzluqda təqsirləndirilən sabiq vəkilə hökm oxunub. Bu haqda 10 oktyabr tarixində Report məlumat verib.
Bakı Ağır Cinayətlər Məhkəməsində sabiq vəkil və hazırda külli miqdarda dələduzluqda təqsirləndirilən Vüqar Səfərliyə hökm oxunub və o, 8 il müddətinə azadlıqdan məhrum edilib.
Səfərli bir neçə vətəndaşın etibarından sui-istifadə edərək dələduzluq yolla 200 min manat pul mənimsəyib. Onun əməlindən ən çox zərər çəkən isə tanınmış bloger Səbinə Kətanovadır. Sabiq vəkil ona 130 min manatdan çox zərər vurub.
