"Çimnaz Sultanovanın oğluna anasının ölümü ilə bağlı məlumat verilib. Amma Almaniyada olduğundan vida mərasiminə qatıla bilməyəcək. Öncədən bilet alınmalıdır. Hadisə də qəfil baş verib”.
Bunu Qaynarinfo-ya açıqlamasında aktrisa Sonaxanım Əliyeva həmkarı Çimnaz Soltanova ilə bağlı xatirələrini bölüşərkən deyib. Aktrisa deyir ki, mərhumun oğlu Almaniyada oxuyur:
"Bir balası var, o da Almaniyadadır. Anası isə 3 ay bundan əvvəl dünyasını dəyişib. Atası, bacısı var. Amma Çimnaz öz evində yaşayırdı. Son günlər vəziyyəti pisləşdiyindən atasının evinə gətirmişdilər. Elə orda da dünyasını dəyişib”.
Sonaxanım Əliyevanın sözlərinə görə, Çimnaz Sultanova ilə vida mərasiminə müğənni Manaf Ağayev də qatılıb:
"Manafla burdayıq, başqa kimisə görmürəm. Bir azdan onu dəfn edəcəyik. Nə deyəcəyimi özüm də bilmirəm”.
Xatırladaq ki, aktrisa Çimnaz Sultanova yanvar ayının 15-də dünyasını dəyişib. Onun xərçəng xəstəliyindən əziyyət çəkdiyi deyilir.
