Qaradağ rayon Prokurorluğunun əməkdaşı rüşvət götürdüyünə görə barəsində cinayət işi açılıb. Bu haqda bu gün, 16 dekabr tarixində Bakuplus.az Qafqazinfo-ya istinadən xəbər verir.
Adıçəkilən rayonun prokurorluğunda müstəntiq vəzifəsində çalışan Emin Seyidov 3 nəfərdən 30.000 AZN rüşvət istəməsində təqsirləndirilir.
Belə ki, 2021-ci ildə Gülşad Mirzəyeva (ad şərtidir) tanışları Elçin Nağdəliyev, Emin Oruczadə və Sərxan Quliyevin onu hədələmələri səbəbindən yaşadığı mənzildə öz qollarını kəsib. Daha sonra o, polisə şikayət edib.
Daha sonra prokurorluğun müstəntiqi Emin Seyidov şikayət olunan 3 nəfərin həbsə düşməməsi üçün öz xidməti otağında telefonla onlardan öncə 30.000, daha sonra isə 10.000 AZN rüşvət istəyib.
Əməllərin üstü açılandan sonra müstəntiq Emin Seyidov barəsində cinayət işi açılıb. O, 2017-ci ildən prokurorluq orqanlarında çalışırdı.
