Daxili İşlər Nazirliyi Baş Dövlət Yol Polisi İdarəsinin Sabunçu və Qaradağ rayonlarında yerləşən Texniki Müayinə Mərkəzlərinə müraciət edən vətəndaşların məmnunluğu üçün daha bir yenilik edilib. Bu haqda BakuPlus.az nazirliyin mətbuat xidmətinə istinadən bu gün, 19 oktyabr tarixində xəbər verir.
Həmin mərkəzlərə avtomobilini texniki cəhətdən saz vəziyyətdə təqdim edən və il ərzində yol hərəkəti qaydalarını pozmayan nümunəvi sürücülərə Müayinə Mərkəzinin əməkdaşları xüsusi hədiyyələr təqdim edirlər.
Bundan başqa, texniki baxış məntəqələrində vətəndaşların rahatlığını təmin etmək məqsədilə sürücülərə çay, qəhvə və su təklif edilir.
Texniki Müayinə Mərkəzləri hər gün səhər saat 09:00-dan 18:00-dək fasiləsiz fəaliyyət göstərir.
Vətəndaşlar avtomobillərinin texniki baxışdan keçirilməsi ilə əlaqədar onları maraqlandıran məsələlərin operativ öyrənilməsi üçün 012-590-71-13 nömrəli qaynar xətlə də əlaqə saxlaya bilərlər.
[caption id="attachment_75512" align="alignnone" width="640"]
Foto açıq mənbədən[/caption]
