Buzovna qəsəbəsində naməlum şəxslərin dəniz sahilində yerləşən qayaları aparmağa cəhd etdiyi iddia olunur.
Bakuplus.az-ın əldə etdiyi məlumata görə, hadisə yerli sakinlərin müdaxiləsi nəticəsində baş tutmayıb. Bildirilir ki, qayaları daşımaq istəyən yük avtomobilinin sürücüsünə qəsəbə sakinləri etiraz edərək bunun kim tərəfindən həyata keçirildiyini soruşublar.
Lakin sürücü suallara dəqiq cavab verə bilməyib. Sakinlərin etirazından sonra qayaların aparılmasının qarşısı alınıb.
Hadisə ilə bağlı rəsmi qurumların mövqeyi hələlik açıqlanmayıb.
