TikTok sosial şəbəkəsinin ölkə ərazisində yayımlanması müvəqqəti dayandırılır. Bu haqda 14 sentyabr tarixində Bakuplus.az məlumat verir.
Dövlət Təhlükəsizliyi Xidmətinin Mətbuat xidməti TikTok-la bağlı qərar verib:
“Hazırda həyata keçirilmiş hərbi əməliyyatlarla bağlı TikTok sosial şəbəkə resursunda ordumuzun uğurlarına kölgə salan, hərbi sirləri özündə əks etdirən, cəmiyyətdə yanlış fikir formalaşdırmaq məqsədi güdən məlumatlar yayımlanmaqdadır. Göstərilənlərlə əlaqədar, TikTok sosial şəbəkəsinin fəaliyyətinin Azərbaycan ərazisində müvəqqəti məhdudlaşdırılması qərara alınmış və bunun üçün aidiyyəti orqanlar qarşısında vəsatət qaldırılmışdır.
Dövlət Təhlükəsizliyi Xidməti vətəndaşlarımızı digər sosial şəbəkələrdə paylaşılan həqiqətə uyğun olmayan və ictimaiyyət arasında vahimə yaratmağa hesablanmış belə məlumatlara inanmamağa və yalnız dövlət qurumlarının rəsmi məlumatlarına istinad etməyə çağırır”.
